【健身BB班】 想增肌食咩好？—淺談蛋白粉
上次我哋講過，要有效地增肌，就要攝取到足夠嘅蛋白質。但係平時食嘢又好難控制得到自己食唔食到足夠嘅蛋白質，咁點算呢？
市面上其實可以買到蛋白質嘅補充品—乳清蛋白(俗稱蛋白粉)唔單止可以協助我哋增加蛋白質嘅攝取，而且亦都可以幫到我哋有更好嘅訓練成效。喺做運動之後，我哋係好難即刻透過正常飲食去補充營養，所以透過飲用液體狀嘅乳清蛋白飲品，係可以喺短時間之內補充肌肉入面受損咗嘅肝醣。呢種液態乳清蛋白唔單止容易攜帶，亦都有利於腸胃吸收。
而點解話飲蛋白粉可以幫到我哋訓練呢？咁係因為奶粉都有高熱量低熱量之分。高熱量蛋白粉適合增肌增重之用；而低熱量蛋白粉就適合減磅人士喺訓練嘅時候食用。
蛋白粉嘅飲用方法都有很多種，最普遍嘅使用方法就係加蛋白粉落攪攪杯度，然後加入適量嘅水，搖勻就可以飲㗎喇。
另外其他飲用嘅方法，例如加落牛奶嚟沖、又可以加水果或者堅果到你嘅乳清蛋白，再利用果汁機嚟攪拌變成奶昔，都係唔錯嘅方法嚟。
不過要記住，雖然蛋白粉係好方便同好有營養嘅補充品嚟，但都唔好食過量，咁會對你嘅腎臟唔好。同埋唔好以為齋飲蛋白粉就會變得大隻，如果冇配合足夠嘅運動訓練，單靠補充品係唔會收到任何成效㗎！
文字及照片來源於網路若有侵權請聯繫刪除
